Magaalada Ceelwaaq ee Gobolka Gedo ee Maamulka Jubbaland ayaa Maanta oo jimco ah waxaa ka dhacday doorashada 8 kuraasi oo kamid ah 16-ka kursi Golaha Shacabka ee ku hursan Maamulka Jubbalabd.
Kursigii ugu horeeyay ee doorashadiisa ay ka dhacdo Ceelwaaq tirsigiisu yahay HOP119 ayaa waxaa ku guuleystay Cabdullaahi Auukar Xaaji Carab oo ah Wasiirka Waxbarashada Xukuumadda, kadib markii uu u tanaasulay Musharax Cabdicasiis Cabdullaahi Ibraahim.
Aadan Ibraahim Isaaq iyo Jibriil Cabdirashiid Xaaji oo ku tartamayay kursiga tirsigiisu yahay #HOP065 ayaa waxaa ku guulaystay kursiga Jibriil Cabdirashiid Xaaji kadib markii uu u tanaasulay musharixii la tartamayay.
Kursiga Golaha Shacabka ee tirsigiisu yahay HOP090 ayaa waxaa kusoo baxay Maxamed Aadan Macalin, kadib markii uu tartanka doorashada kursigaas ka haray Xassan Cabdi Axmed, sida ay ku dhawaaqeen Guddiga doorashada Maamulka Jubbaland.
Kursiga tirsigiisu yahay #HOP102 oo kamid ahaa kuraastii taalay deegaan doorashada 2-Aad ee Jubbaland ayaa waxaa ku tartamay labada musharax ee kala ah Cismaan Libaax Ibraahim & Mustaf Maanow Geedi ayaa waxaa ku guulaystay sida Guddiga SEIT ay shaaciyeen Cismaan Libaax Ibraahim.
Doorashada kursiga #HOP087 ayaa waxaa ku tartami lahaa Musharixiinta kala ah Aamino Xuseen Cali & Faadumo Ibraahim Cali.
Guddiga hirgalinta doorashooyinka dadban ee heer Dowlad Goboleed ee Jubbaland oo natiijada kama dambaysta ah ku dhawaaqay ayaa sheegay in kursigan ay ku guulaysatay Aamino Xuseen Cali, kadib markii loo tanaasulay.
Faarax Macalin Bishaar iyo Xassan Aadan Xassan ayaa ku tartamay kursiga tirsigiisu yahay #HOP216, waxaan ku guulaystay kursigan Faarax Macalin Bishaar.
Kursiga tirsigiisu yahay #HOP116 oo kamida kuraasta maanta doorashadooda ay ka dhacday Ceelwaaq ayaa waxaa ku tartamay musharixiinta kala ah Duniyo Cismaan Yuusuf iyo Xaawo Khaliif Dubad. Sida ay guddiga SEIT Jubbaland shaaciyeen kursigan waxaa kusoo baxday Xildhibaan Duniyo Cismaan Yuusuf.
Kursiga ugu dambeeyay Golaha Shacabka ee doorashadiisa Maanta ka dhacday Ceelwaaq #HOP091 ayaa waxaa ku guuleystay Cabduqaadir Xuseen Cabdi, kadib narkii uu tanaasulayCali Guurre Maxamed oo la tartami lahaa Cabduqaadir Xuseen Cabdi.
