Agaasimeyaashii hore ee Hay’adda Socdaalka DF oo Maxkamadeyntooda bilaabatay

Maxkamadda Gobolka Banaadir ayaa maanta u fariisatay dhegaysiga Dacwad loo haysto Saraakiil Dowladdeed oo ku Eedaysan Musuq maasuq.

Eedaysanayaasha ayaa ka kala ah Agaasimihii hore ee Haya’adda Socdaalka iyo Jinsiyaddaha Maxamed Aadan Koofi kaas oo ku eedaysan lunsasho Hanti gaaraysa 4 Malyan oo dollar iyo Eedaymo kale oo Xafiiska Xeer ilaalinta Qaranku ku soo eeddeeyey.

Sidoo kale waxaa Eedaysanayaasha ka mid ah Cabdulqaadir Cilmi Cali oo ah Agaasimihii hore ee Haya’adda Socdaalka iyo Jinsiyaddaha dowladda Fedreraalka Soomaaliya.

Wuxuu ku Eedaysan yahay ka qayb qaadasho dambi iyo gudasho la’aan waajib iyo masuuliyad Xafiis Dowladdeed,sidoo kale waxa uu ka qayb qaatay lunsasho dakhli dowladdeed oo gaaraysa 5,327,355 oo dollar iyo Eeddaymo kale oo uu ku soo oogay Xafiiska Xeer ilaaliyaha Guud ee Qaranka.

Eedaysanayaasha sidoo kale Maxkamadda dacwadooda la hor keenay ayaa waxa ka mid ah Cusmaan Xasan Cosoble,Cabdikaafi Xasan Maxamed iyo Agaasimihii Cashuuraha Bariga ee Wasaaradda maaliyadda Eedaysane Muxiyadiin Xasan Jurus Saabeey oo ku Eedaysan lunsasho hanti maaliyadeed oo dhan 20 Malyan oo dollar.

About Dalsan Editor

View all posts by Dalsan Editor