Safaaradda Masar oo dib looga furayo Muqdisho iyo Dowladdaa Federalka oo dhul ugu deeqday.

Danjiraha dowladda Masar u jooga Somalia, Waliid Ismaaciil ayaa sheegay inay socdaan Qorshe dib loogu furayo Safaaraddii ay ku lahaayeen Caasimadda Somalia ee Muqdisho.

Danjiraha oo Fadhigiisa Dhexe ku yaalla magaalladda Nairobi ayaa hadalkaasi ku sheegay Wareysi uu siiyey Wargeyska Yoom Sabca ee ka soo baxa Qaahira, wuxuuna tilmaamay in sida ugu dhaqsaha loo furi doono Safaaradda, wuxuuna carrabka ku dhuftay inay Dowladda Federalka Somalia ugu deeqday dhul u gaar ah Safaaradda Masar oo ku yaalla magaalladda Muqdisho.

Danjiraha waxa uu tilmaamay inay soo hagaagayso Xaalladda Ammaanka ee Somalia oo ay dagaalo ka dhaceen, wuxuuna sheegay inuu 6 jeer booqday Muqdisho, iyo inuu kulamo la qaatay Madaxweyne Xasan Sheekh Maxamuud.

Dhinaca kale, Danjiraha dowladda Masar u jooga Somalia, Waliid Ismaaciil waxa uu tilmaamay inuu aad u xoogeysanayo Xiriirka Labada Waddan, isla markaana ay Somalia ka taageeraan dhinacyadda Amamanka, W/barashadda iyo Iskaashiga Ganacsiga.

Ugu dambeyntii, Danjire Waliid Ismaaciil waxa uu xusay inay 17 Macaallimiin ka socotay Jaamacadda AL-AZHAR ku sugan yihiin Somalia, kuwaasi oo wax ka dhiga Â Dugsiyo ku yaalla Muqdisho iyo Goballadda kale.

Radio Dalsan

Radio Station

Radio Dalsan was established in April 2012 in Mogadishu, Somalia with FM frequency 91.5MHz . The radio is registered with the federal ministry of information in Somalia. Dalsan is an independent and autonomous FM Radio station. The radio broadcasts for 18 hours in Somalia and also the Radio is on satellite broadcasting to Africa and Asia.