Sida maanta lagu soo daabacay Wargeyska The Standard ee ka soo baxa magaalladda Nairobi, waxay Guddiga Baaritaanka ee loo xil-saaray Weerarkii Ceel-cadde soo saareen Warbixin Hordhac ah oo ay ku sheegeen in laga yaabo in Maleeshiyadda Beesha Marayxaan ee deggan Gobalka Gedo door ka ciyaareen Qorshihii iyo Weerarkii ay Alshabaab bishan Janaayo 15-dii ku qaadeen, laguna dilay Ciiddanka Kenyanka ee ku sugnaa Xeradda Ceel-cadde ee Gobalka Gedo.
Warbixinta ayaa lagu sheegay inay dad  ka tirsan Qabiilka Marayxaanka ku nool yihiin Degaanka Ceel-cadde oo uu ku yaallo Xeradda lagu weeraray Ciiddanka Kenyanka.
Warbixinta ayaa lagu sheegay in Eedeyntaasi la ogaaday, kadib, markii 3 Askari oo ka badbaaday Weerarkaasi la soo far-muuqay, kadibna ay Alshabaab ku dileen guri ay magan ahaan u galeen oo uu lahaa nin Oday oo degganaa Ceel-cadde, waa sida lagu xusay Warbixinta.
Waxa kaloo Warbixinta lagu muujiyey in Askarta la dilay ay soo magan galeen guriga, kadib, markii ay  soo ordeen masaafo dhan ku-dhawaad 5 KM, iyagoo iska bixiyey Labiska u gaarka ah Milliteriga.
“Qabiilka Marayxaanka waxay dareensan yihiin inay Ciiddanka Kenyanka taageeraan Qabiilka Ogaadeenka iyo kuwa kale ee ay u arkaan inay caddow ku yihiin Marayxaanka, waana taasi waxa aan u malaynayo inay sababtay in qaar ka mid ah Beeshaassi noqdaan kuwo aan taageersanayn Ciiddanka Kenya†ayuu yiri Ilo-wareed codsaday inaan magaciisa la shaacinin oo la hadlay Wargeyska The Standard.
Si kastaba ha ahaatee, Warbixinta Hordhaca ee Ciiddanka Kenya ku sheegeen inay Maleeshiyadda Beesha Marayxaanka ku lug lahaayeen weerarkii lagu dilay Askarta Kenyanka ee ay Alshabaab bishan 15-dii ku weerareen Xeradda Ceel-cadde ayaa ah Warbixin Hal Dhinac ah, mana jiraan Warar Madax-bannaan oo xaqiijinayo Eedeyntaasi.
Dhinaca kale, Madaxda Gobalka Gedo, Odayaasha Dhaqanka iyo Goobjoogayaal Madax-bannaan ayaa waxay sheegayaan in Duqeymaha Diyaaradaha Kenya yihiin kuwo aan loo meel dayin, isla markaana la duqeynayo goobaha ay dadka rayidka u qaxeen ee duleedka Deegaanka Ceel-cadde.
Labaatameeeyo qof oo rayid ah ayaa la sheegay in lagu dilay duqeymahaasi, iyadoo boqolaal xoolo u badan arina lagu laayey duqeymaha weli ka socda nawaaxiga Ceel-cadde.
©Radio Dalsan                    Â
