Midowga Musharaxiinta oo War kasoo saaray Ciidanka Dowladda ka dejisay Baladweyne

Midowga Musharaxiinta ayaa War kasoo saaray Ciidanka Booliska Haramcad ee Maanta dowladda geeysay Magaalada Baladweyne ee Xarunta Gobolka Hiiraan, iyagoona eedeeyn u jeeyay Madaxweynaha muddo xileedkiisa dhammaaday ee Maxamed Cabdullaahi Farmaajo.

War-saxaafadeed kasoo baxay Midowga ayaa waxaa lagu Cambaareeyay qalalaaso ay sheegeen in Madaxweyne Farmaajo ka hurinayo Gobolka Hiiraan gaar ahaan Baladweyne oo Maanta ka degtay diyaarad sidday ku dhawaad 100 Askari oo Haramcad ah.

Goluhu Midowga ayaa sheegay in tabashada reer Hiiraan ee Hirshabeelle ay u arkaan in ay tahay qaddiyad siyaasadeed oo u baahan waan-waan iyo wada-xaajood siyaasadeed.

Sidoo kale Musharaxiinta ayaa ayaa u arka ciidanka Baladweyne laga dejiyey in uu carqalad ku yahay fursadaha nabad iyo wadahadalka, ayna weli muuqato in taliyayaasha Ciidanka ay iska dhegatirayaan go’aanadii Golaha Wadatashiga Qaran.

Ugu dambeyn Midowga Musharaxiinta ayaa Ra’iisul Wasaaraha Xukuumadda xilgaarsiinta Maxamed Xuseen Rooble ugu baaqay in uu qaato masuuliyadda kaga aadan xaqiijinta in ciidanka laga saaro siyaasadda, loona jiheeyo la dagalaanka Al-shabaab iyo Daacish.

Hoos ka Akhriso War-saxaafadeedka kasoo baxay Midowga