Seychelles oo Dad Soomaali ah Ku Heshay Dambi Burcad Badeednimo

Maxkamada sarre Ee Dalka Seychelles ayaa ku heshay Dambi Burcad badeednimo ah Sagaal qof oo Soomaali ah oo ku jiro qof da’yar.

Sagaalkan Ruux waxa hore loogu eedeyay iney Weerareen Maraakiib ay kamid ahaayeen Markabka M/V Zhongji oo uu ka dul babanayay Calanka Hong Kong Taariikhda Marka ay ahayd 6dii bishii November 2013kii sido kale waxa loo heystay Weerar kale oo ay la eegteen ‘M/V Torm Kansas’ oo laga leeyahay Denmark Taariikhda marka ay ahayd 30 November isla Sanadkasi 2013kii.

 

Markabka HDMS Esbern oo laga leeyahay Dalka Denmark ayaa u gacanta u galiyay 9 qof Masuuliyiinta Dalka Seychelles bishii kadib markii ay isku dayeen iney Gacanka Cadan ay ku qabsadaan Markab lagu Magacaabo M/V Torm Kansas’.

 

 

 

Markabka HDMS Esbern Snare oo qeyb ka ah Howlgalka La Dagaalanka Burcad Badeeda oo ay Wado NATO ayaa qabtay Raggasi Burcad badeeda ah.

 

Sagaalkan qof Ee Soomaalida ah oo Magacyadooda la shaacin waxa ay da’dooda u dhaxeysaa 14 ilaa iyo 35 jir.

Qaadiga Maxkamadda Seychelles Mohan Niranjit Burhan ayaa diiday In Sagaalkasi qof Ee Soomaalida ah iney ahaayeen Koox kalluumeysato ah oo aysan ahayn Burcad Badeed sida uu ku dooday Qareenka u doodaya Soomaalidasi.