Muhaajiriinta Soomaalida iyo kuwa kale oo la ogaaday inay Fiisaha Online-ka ee Turkiga u sahlayso Tegitaanka Europe

Wargeyska The Daily Telegraph ee ka soo baxa magaalladda London ayaa maanta qoray in qaabka fiiso-bixinta Turkiga ee Turkish online visas uu Muhaajiriin badan u fududeynayo inay muddo kooban ku galaan Waddamadda hodanka ee Qaaradda Europe. Khubaradda Socdaalka ee Qaaradda Europe ayaa rumeysan in siyaasadda bixinta Fiisaha ee aan xilka la iska saarin u oggolaanayso inay tiro aad u badan oo Muhaajiriin Afrikaan u adeegsadaan dalka Turkiga inay kaga sii tallaabaan Europe.

Saraakiisha Xuduudaha ee Qaaradda Europe waxay sheegeen in Muwaadiniinta ka yimaada dalalka Afrika iyo Bariga Dhexe awoodaan inay si toos ah ugu soo duulaan gudaha Turkiga, iyago ou baahan o okeliya in Dukumentiyadooda la baaro, ka hor intaysan safar kooban ku gaarin dalka Giriigga.

Wargeyska The Daily Telegraph waxay ka soo xigteen Khubarada Socdaalka inay ilaa 10,000 oo Muhaajiriin ah ku sugan yihiin magaalladda ugu weyn dalka Turkiga ee Istanbuul, kuwaasi oo albaabka labaad ee ay ku wajahan yihiin tahay dalalka Giriigga ama Bulgaria oo dhowr saacadood lagu gaari karo.

Dhinaca kale, Wargeyska waxa uu sii qoray inay Muwaadiniinta ka soo kala jeeda dalalka Somalia, Sudan, Eritrea iyo Afganistan si fudu ku heli karaan Visaha Online-ka ee loo yaqaan e-visas, taasi oo ay shuruudeedu tahay oo keliya in la buuxiyo qoraalka (A form) iyo Kharajka Adeegaasi lagu bixiyo siOnline ah (A fee to be paid Online).