Deg Deg; Sheekh Xasan Turki oo Xalay Ku Geeriyooday Gobolka Jubadda Dhexe

Afhayeenka Kooxda Al Shabab Sheikh Cali Maxamuud Ragge (Dheere) ayaa Xaqiijiyay Geerida Sheikh Xasan Cabdullahi Xersi (Turki)oo muddo dheer kamid ahaa Kooxihii Islaamiyiinta Ee dalka Soo maray.

Xasan Turki oo jiray 73 sanno ayaa Xalay ku dhintay Xaafadda Hargeysa yarey Ee Gobolka Jubbadda Dhexe.

Waxa uu u geeriyooday Xasan Turki Xanuun haayay beryihii Ugu Dambeeyay waxana ka tacsiyeysay Geeridiisa Kooxda Al Shabab.

Sheikh Xasan Turki Dowladda Mareekanka ayaa ku dartay Liiska Argagixisadda 3 June 2004.

Mareekanka ayaa la xiriirin jiray wadaadkan Kooxda Al Qacida iyo inuu taageeri jiray Kooxaha Argagixisada.

Xasan Turki ayaa ahaa Korneel hore oo ka tirsanaa Ciidamadii Dowladda Soomaaliya,Waxa uu sido kale ka soo tirsanaa Al Itixaad iyo Kooxdii Xisbul Islaam.

Afhayeenka Al Shabab waxa uu sheegay in Xasan Turki  uu la kulmay intii uu noola Seddex Jeer Hogaamiyihii Al Qacida Usama Bin Laden,Laba Jeer waxa uu kula kulmay ayuu yiri Afganistan Marna Sudan.