Wafdi ka socday Wasaaraddaha Qorsheynta Maaliyadda dowlada Soomaliya ayaa gaaray Magaalada Baydhabo ee Xarunta Gobolka Baay, waxaana Garoonka kusoo dhaweeyay Agaasimaha qorsheynta Maalgashiga iyo horumarinta dhaqaalaha KGS.
Ujeedada wafdigan ay u tageen Baydhabo ayaa ah ka qeyb-galka shir muddo afar maalimood ah ka soconaya oo ay soo qaaban qaabisay Wasaradda qorsheynta maalgashiga iyo horumarinta dhaqaalaha Koonfur Galbeed oo kashaneysa wasaaradda Qorsheynta Soomaaliya.
Shirkaasi ayaa looga hadlayaa mashruuca soo kabashada xasaradaha Soomaaliya sida abaaraha, fatahaaddaha soo laa laabtay, anyaxa iyo masiibooyinka kale ee dabiiciga ah.
Agaasimaha Wasaradda qorsheynta Koonfur Galbeed Isaaq Maxamuud Mursal oo warbaahinta la hadlay ayaa waxaa uu sheegay in wafdiga ka socda dowladda Federaalka ay ka qeyb gelin doonaan shirka wadatashiga mudnaansiinta Baahiyaha u adkeysiga iyo kasoo kabashada ee KGS.
