Taliyaha Ciidanka Boliska Somaaliyeed Sareeye Guuto Sulub ahmed Firin Ayaa Fiidkii  xalay kormeer ku tagay xerada Gen Farxaan Qaroole oo Talis u ah Ciidanka sida gaarka u tababaran ee Haramcad.
Jeneraal Sulub ayaa warbixin ka dhageestay saraakiisha taliska u ah ciidanka Haramcad uu booqday, waxa ayna saraakiisha taliyaha uga warbixiyeen shaqada ay ciidanka u hayaan bulshada Soomaaliyeed gaar ahaan kuwa ku dhaqan caasimadda Muqdisho.
Taliyaha Ciidanka ayaa uga Mahad celiyay sida feejignanta leh, iyo turida leh oo ay u guteen waajibaadkii ka saaranaa sugidda amniga shacabka, ayna tusaale u noqdeen ciidamada kale ee ay kala dhaxeyso shaqada ilaalinta nabad-galyada dalka.
Taliyaha Ciidanka ayaa ku amray ciidamada in ay ilaaliyaan anshaxa iyo xeerarka ciidanka, Boliska masuuliyaddooda koowaadna ay ka dhigtaan ilaalinta badqabka, karaamada iyo nolasha shacabka Soomaaliyeed.
Ciidamadaan oo ah kuwa si gaar ah u tababaran ayaana ka qayb qaatay sugidda amniga magaalada caasimadda ah ee Muqdisho, kana Hortagay falalka xiliyada qaarkood lagu dhibaateyn jiray shacabka soomaaliyeed.
