Guddoomiyaha Midowga Musharrixiinta Soomaaliya ahna Madaxweynihi hore ee dalka Sheekh Shariif Sheekh Axmed ayaa ka hadlay heshiiska Maanta ay gaareen Guddoomiyaha Aqalka Sare iyo Ra’iisul Wasaare ku-xigeenka Xukuumadda xilgaasiinta..
Sheekh Shariif ayaa soo dhaweeyay heshiiskaas rasmiga ay khilaafkii doorashada Gobolada Waqooyi ee Somaliland ka gaareen Guddoomiye Cabdi Xaashi Cabdullaahi iyo Mahdi Guuleed Khadar, kaasi oo in muddo ka taagnaa.
War-saxaafadeed ay si wadajir ah u soo saareen Guddoomiye Cabdi Xaashi iyo Mahdi Guuleed ayaa lagu sheegay in labada dhinac ay ka wada heshiiyeen in lasoo afjaro khilaafkii ka taagnaa doorashada kuraasta Somaliland.
Cabdi Xaashi iyo Mahdi ayaa isla gartay in lasoo afjaro iskooxeysigii iyo abaabulkii u dhexeeyay siyaasiyiinta kasoo jeeda Gobolada Waqooyi ee Somaliland, isla markaana sida ugu dhaqsiyaha badan loo gudagalo hirgelinta doorashada Somaliland.
Guddoomiye Cabdi Xaashi iyo Mahdi Guuleed ayaa waxaa ka dheexeyay khilaaf in muddo ah soo jiray oo ku aadan doorashada kuraasta Somaliland, waxaana xusid mudan in mar heshiis laga gaaray khilaafka, wallow mar kale uu soo laabtay, kadibna sababay in laba Guddoon ay kala doortaan Guddigii doorashada Somaliland.
