Duqa Muqdisho Ahna Guddoomiyaha Gobolka Banaadir Mudane Cabdiraxmaan Cumar Cismaan (Eng. Yarisow) ayaa kulan la qaatay gaadiidleyda ka shaqeysa Caasimadda, gaar ahaan kuwa dadweynaha ee BL-ka iyo Bajaajta.
Guddoomiyaha Gobolka Banaadir ayaa sheegay in gaadiidka dadweynaha ee ka shaqeeya magaalada ay laf-dhabar u yihiin bulshada Soomaaliyeed, gaar ahaan dadka dan’yarta ah oo ka soo saarta nolol maalmeedkooda, sidaas daraadeedna aan loo dul-qaadan karin wax walba oo dhibaataynaya, waxuna dhinacooda ka codsaday in la ilaaliyo shuruucda, lana shaqeeyaa ciidamadda amniga.
“Maamulka Gobolka Banaadir waxaa ka go’an in dadkiisa uu dhegaysto,
dhibaatooyinka haystana u kuur-galo, rabitaankoodana ku shaqeeyo, xalkana halkaas ka raadiyo, waana tan aan maanta halkan idin kugu yeernay, si aan xal ugu helno cabashadiina idinkuna u ilaalisaan shuruucda.â€Ayuu yiri Eng. Yarisow.
Sidoo kale, Duqa Muqdisho ayaa tilmaamay in ujeedka kulankani uu yahay mid cabashada gaadiidleyda lagu dhageysanayo,si wax looga qabto dhibaatooyinka ay la kulmaan xiliyada shaqada, iyadoo ujeedku yahay in la wada shaqeeyo meelna looga soo wada jeesto wax walba oo dhibaato ku keenaya gaadiidleyda, dhankoodana wuxuu kula dar-daarmay in sharciga loo hoggaansamo, bixiyaana canshuuraha ku waajibay, taas badelkeedana ay heli doonaan waddooyin iyo shuruucdii difaaci lahayd.
“Waxaan idinka rabnaa in aad la shaqeysaan ciidamada amniga, haddaan amni la helin BL iyo Bajaaj ma socon karaan, ka maamul ahaana waxaa diyaar u nahay cid walba oo dhibaato idiin geysata inaan la xisaabtano oo ilaalino xuquuqdiina.â€Ayuu raaciyey Guddoomiyaha Gobolka Banaadir Mudane C/raxmaan Cumar Cusmaan (Eng. Yarisow).
Kulanka ayaa waxaa ka soo qeyb galay Guddoomiye ku-xigeenka Maamulka iyo Maaliyadda Mudane Xuseen Maxamed Nuur, saraakiil ka tirsan Ciidanka Booliska iyo masuuliyiin ka tirsan waaxaha canshuuraha gaadiidka u qaabilsan Maamulka Gobolka Banaadir.
