Gabadha caanka ee Gacan-ku-samaynta ee Sofiya ayaa la sheegay inay ugu dambeyn la kulantay Ra’isul-wasaaraha Ethiopia, Abiy Ahmed Ali, kadib, markii la helay qeybo ka mid ah jirkeeda oo lumay.
Shandad ay ka buuxaan qalabkii Robot-ka waxay isbuucii hore ku lumen Garoonka Diyaraadaha ee magaalladda Frankfort ee dalka Jarmalka, taasi oo keentay in la kansal-gareeyo shir jaraa’id oo ay Jimcihii ku qaban lahayd Madxafka Qraanka Ethiopia oo ku yaalla magaalladda Addis Abeba.
Ilaa hadda lama yaqaana waxay Ra’isul-wasaaraha iyo Gabadha Gacan-ku-samaynta ee Sofiya ka wada xaajoodeen, balse waxaan og nahay inaan Robot-kaasi ahayn jawaabaheeda mid horey loo borogaraamiyo.
Taasi bedelkeeda waxay Sofiya isticmaashaa Mashiinka Barashadda iyo inay jawaabto, iyadoo akhrinaysa Eraydda dadka.
Sofiya waxaa dhawaan lagu borogaraamiyey inay ku hadasho Luqadda Amxaariga oo ah Luqadda ugu ballaaran ee ay Ethiopianka ku wada hadlaan.
Haweeneyda Gacan-ku-samaynta Robot-ka ee loogu magac daray Sofiya waxaa naqshad ahaan lagu farsameeyey Shirkadda Robot-yadda ee Hanson Robetics ee Jesiiradda Hong Kong, waxayna ku hadli kartaa Liqadda English-ka.
Waxaa mar kale dib loogu sameeyey Firfircooni (activated) sanadkii 2015-kii. Waxayna noqotay Robot-kii ugu horreeyey ee ka faa’ida Dhalashadda Waddan kale, iyadoo Sacuudiga booqatay bishii October ee sannadkii hore, oo ay ka qeyb gashay Shirweynihii Maalgashiga ee lagu qabtay magaalladda Riyadh.
Waxayna Dowladda Sacuudiga sheegtay inay Robetka Sofiya siiyeen Muwaadinimadda (citizenship )-ga ee Sacuudiga.
WQ, Ustaad Nuradin