Shan qof oo ay ku jiraan afar boolis ah ayaa ku dhintay qarax ka dhacay bariga dalka Burkina Faso, sida ay wararka sheegayaan.
Qaraxan ayaa ahaa miino waddada loo dhigay ciidammada.
Qaraxa ayaa ka dhacay deegaanka Boungou oo ah meel ay dhowr jeer ka dhaceen weeraro ay fuliyeen kooxaha jihaaddoonka.
Saraakiisha booliska ee qaraxa ku dhintay ayaa ilaalinayay ammaanka dadka dahabka qodo oo ku sugnaa halkaasi, sida ay ku warrantay wakaaladda wararka ee AFP.
Bishii Agosto ayay ahayd markii shan boolis ah lagu dilay weerar ka dhacay halkaasi.
Weerarada ayaa ka dhacay waddada isku xirta magaalooyinka Boungou iyo Fada N’Gourma oo ah labada magaalo ee ugu weyn ee ku yaalla gobolka bariga dalka Burkina Faso.
Ku dhawaad 40 ka tirsan booliska Burkina Faso ayaa ku dhintay qarax miino ah tan iyo bishii Agosto.
Weeraro ay fuliyeen kooxaha jihaaddoonka waxaa ku dhintay ugu yaraan 230 qof tan iyo sannadkii 2015-kii, deegannada dhaca waqooyiga iyo bariga dalka Burkina Faso.
BBC Somalia