Guddoomiyaha Xisbiga Midowga Nabadda iyo Horumarka ahna Madaxweynihii hore ee Soomaaliya Xasan Sheekh Maxameed ayaa waxaa uu ka hadlay Geerida Maxamed Qanyare Afrax oo Maanta ku geeridooday Magaalada Muqdisho ee Caasimadda dalka Soomaaliya.
Xasan Sheekh ayaa waxaa uu marka hore tacsi u diray dhammaan reer Qanyare Afrax meel kasta oo ay joogaan,kadib markii Marxuunka Isbitaalka Ex Digfeer ugu geeriyooday Xanuun mudooyinkii dambe haayay.
Sidoo kale Xasan Sheekh ayaa waxaa uu tilmaamay in Marxuumka uu kamid ahaa hoggaamiyayaasha siyaasadeed ee dalka soo maray,isla markaana muddo waliba duruufuhu adkaayeen.
“Waxaan tacsi murugo leh u dirayaa xildhibaan Cabdiweli Maxamed Qanyare iyo dhammaan reer Qanyare Afrax meel kasta oo ay joogaan geerida ku timid Md. Maxamed Qanyare Afrax oo saaka ku geeriyooday Muqdisho.
Marxuumka wuxuu ka mid ahaa hoggaamiyayaasha siyaasadeed ee dalka soo maray muddo waliba duruufuhu adkaayeen. Ilaahey ha u naxariisto marxuumka. Dhammaan dadka Soomaaliyeedne Sammir iyo iimaan”ayuu yiri Xasan Sheekh.
