Waaxda Arrimaha Afrika ee Maraykanka ayaa qoraal ay soo saartay waxa ay sheegtay “in aan la aqbalaynin duqeymaha aan loo meel dayin ee lagu hayo dadka rayidka ah waa wax aan la aqbali karin, waana in la joojiyo.”
Waaxda ayaa ku baaqday in si deg-deg ah loo qaboojiyo colaadda ka socota magaalada Laascaanood, lana ilaaliyo dadka rayidka iyo in aan la carqaladayn gargaarka bini’aadantinimada.
Maraykanka ayaa sidoo kale sheegay in xiisadda si wadahadal ah lagu dhammeeyo.
Waxaa maalmihii u dambeeyay ka socday magaalada Laascaanood dagaal dhex maraya ciidamada Somaliland iyo kuwa deegaanka.
Dagaalkaas ayaa sababab barakac ballaadhan oo dadku u qaxayaan deegaannada nabadoon ee u dhawdhaw Laascaanood.
