Madaxweynaha Puntland oo Mas’uul Cusub Magacaabay

Wareegto kasoo baxday Xafiiska Madaxweynaha dowlad Goboleedka Puntland Saciid Cabdullaahi Deni ayaa waxaa xilkii looga qaaday Agaasimaha Waaxda Maamulka iyo Maaliyadda Wasaaradda Caafimaadka Puntland.

Madaxweyne Saciid Deni ayaa xilka Agaasimaha Cusub ee waaxda Maamulka iyo Maaliyadda Wasaaradda Caafimaadka u Magacaabay inuu noqdo Maxamed Xuseen Maxamed (La-xabaal), isagoo bedelaya Mas’uulkii hore ee Maxamuud Axmed Saalax.

Madaxweynihii hore ee Puntland Cabdiweli Maxamed Cali Gaas ayaa sanadkii 2018 Maxamuud Axmed u Magacaabay xilka Agaasimaha Waaxda Maamulka iyo Maaliyadda Wasaaradda Caafimaadka Puntland.

Mas’uuliyiinta Wasaaradda Caafimaadka gaar ahaan kuwa maamulka iyo Maaliyadda Maamulkaas ayaa waxaa la faray inay la shaqeeyaan Mas’uulka Cusub ee la magacaabay si uu u guto waajibaadkiisa shaqo.

About Bilan Media

Bilan is Somalia’s first ever all-women media team. Staffed and run entirely by women with full editorial independence, the unit covers hard news and in-depth features, holding leaders to account and making sure the media represents all citizens, men and women, weak and powerful, rich and poor.

View all posts by Bilan Media