Madaxwaynaha dowlad Goboleedka Galmudug, Axmed Cabdi Kaariye Qoorqoor, ayaa maanta saxiixay hindise sharciyeedyo ay meel mariyeen Golaha Wasiirada iyo Baarlamaanka Galmudug.
Madaxweyne Axmed Qoorqoor ayaa Hindise sharciyeedyada uu saxiixay waxa ay gaarayaan ilaa 10 sharci, wuxuuna Madaxweynaha sheegay inay fursad weyn u tahay arrintaan, kuwaasi oo hore ay u meel mariyeen Baarlamaanka iyo Golaha Wasiirada Maamulka.
Wuxuu Madaxweynaha Galmudug boggaadiyey cid kasta oo ka qeyb qaadatay meel marinta sharciyadaan, isagoona tilmaamay in sharciyadaan ay noqon doonaan kuwo lagu kala baxo, isla markaana lagu xisaabato.
Sharciyada uu Madaxwayaha sixiixay ayaa waxaa ay kala yihiin
1- Sharciga Kalluumaysiga
2- Sharciga Nidaaminta Magaalooyinka
3- Sharciga Ujrooyinka Kalluumaysiga
4- Sharciga Shirkadaha
5- Sharciga Nootaayada
6- Sharciga Degmaynta Xeraale
7- Sharciga Shaqaalaha Rayidka ah
8- Sharciga Shaqaalaha Guud
9- Sharciga Biyaha
10- Sharciga Golaha Adeegga Garsoorka.
