Waxaa goordhow xarunta Villa Hargeysa ka furmay kulankii 9-aad Kalfadhigiisa 7-aad,waxaana shir guddoominaya guddoomiyaha golaha shacabka maxamed Mursal Sheeikh C/raxmaan.
Kulanka ayaa ku furmay 174-xildhibaan Ajandaha ayaana ah ka doodista xeerka Matalaadda gobolka Banaadir iyo ka doodista xeera Asteynta kuraasta,doodaan ayaana ah mid isha lagu wadahayo.
Waxaana maanta la Qorsheenayaa in Xildhibaanadu ay u codeeyaan Xeerka Asteeynta Kuraasta iyo Matalaada Gobalka Banaadir,oo ismariwaa badani uu ka taaganyahay.
Wararka qaar ayaa sheegaya in ay suurtagal tahay Xildhibaanadu in ay u codeeyaan 13-Senator laga siiyo Gobalka Banaadir matalaada , waxaana arrintaan ku kala aragti duwan Xildhibaanada golaha shacabka.
Xildhibaano ka tirsan golaha Shacabka oo tiradoodu ay gaarayso 131 ayaa shalay guddoonka golaha shacabka u gudbiyay Mooshin ay ku dalbanayaan in la kordhiyo tirade xubnaha aqalka sare ku metelaya gobolka Banaadir lana gaarsiiyo 131-mudane.
