Madaxweynaha dowlad Goboleedka Hirshabeelle Cali Cabdullaahi Xuseen Guudlaawe ayaa xalay qadka talefoonka kula hadalay Safiirka Cusub ee Dowladda Mareykanka u jooga Soomaaliya Danjire Larry Andre’.
Madaxweynaha iyo Danjiraha oo kulankooda ahaa isbarasho waxayna sidoo kale ka wadahadleen xaaladaha amniga, dhameystirka arrimaha doorashooyinka Golaha Shacabka iyo ilaalinta qoondada haweenka.
Madaxweyne Cali Guudlaawe ayaa faahfaahin ka bixiyay arrimaha amniga, qancinta beelaha iyo sidii daahfurnaan loogu dhameystiri lahaa doorashooyinka Golaha Shacabka Baarlamaaka 11-aad ee dowladda Federaalka Soomaaliya.
Dhinaca kale Safiirka dowladda Mareykanka u qaabilsan Arrimaha Soomaaliya Larry Andre’ ayaa ku bogaadiyay Madaxweyne Guudlaawe sida hufan ee uu u maareeyay dadaalada dib u heshiisiinta iyo arrimaha doorashooyinka.
Kulankaan ayaa waxaa uu kusoo aaday, iyada oo afar maalin oo kaliya ay ka harsan tahay waqtigii lagu heshiiyay in lagu soo gaba-gabeeyo doorashada Golaha Shacabka Baarlamaanka 11-aad, waxaana waqtigaas uu ku egyahay 15-ka bishaan Maarso….
