Safaaradda Mareykanka ee Soomaaliya ayaa Maanta oo jimco ah soo saartay farriin ku socota Madaxda dowladda Federaalka Soomaaliya iyo kuwa Madaxda maamul Goboleedyada dalka.
Qoraal kasoo baxay Safaaradda Mareykanka ee Muqdisho ayaa waxaa mar kale loogu baaqay Madaxda Soomaalida inay ka dhabeeyaan balanqaadkooda ahaa in doorashada Baarlamaanka lagu soo gabagabeeyo 25-ka bishan Febraayo.
“Dowladda Mareykanka waxay la xisaabtami doontaa ciddii carqaladeysa hannaanka doorashadaâ€ayaa lagu yiri Qoraalka Twitterka ee Safaaradda Mareykank ee Muqdisho.
Qoraalka Safaaradda Mareykanka ayaa daba socday War-saxafadeedkii Beesha Caalamka ee lagu sheegay in Wakiilada ka war hayaan doorashada Golaha Shacabka Baarlamaanka 11-aad, iyagoo dalbaday in doorashada lagu dhammeeyo waqtigii lagu heshiiyay.
Beesha Caalamka ayaa sidoo kale dhammaan Madaxda Soomaalida ugu baaqday inay ka fogaadaan sii baahidda xiisadda siyaasadeed, lana xaqiijiyo in ciidamada ammaanka aan loo isticmaalin sidii qalab siyaasadeed.
