Dowladda Shiinaha waxay maanta si kulul u cambaaraysay weerarkii Alshabaab ka geysteen Hotelka Jaziira ee magaalladda Muqdisho oo lagu dilay ugu yaraan 15 qof oo mid ka mid ah u dhashay Shiinaha.
Afhayeenka Wasaaradda Arrimaha Dibedda ee Dowladda Shiinaha, Lu Kang ayaa sheegay in mid ka mid ah Shaqaalaha Ammaanka ee Safaaradda Shiinaha ku geeriyooday qaraxaasi, halka saddex kalena ku dhaawacmeen.
Sidoo kale, Aqalka Cad ee looga arrimiyo Maraykanka ayaa si kulul u cambaareeyey weerarkaasi oo ay ku geeriyoodeen ugu yaraan 13 qof, kuna dhaawacmeen Kontameeyo kale.
Afhayeenka Golaha Ammaanka Qaranka Maraykanka, Ned Price ayaa soo saaray War Saxaafadeed uu ku cambaareeyey Qaraxaasi, oo uu tilmaamay in si caddownimo leh loola beegsaday dad rayid oo aan waxba galabsanin.
© Radio Dalsan
