Dhalinyaro TIKTOK ku Aflagaadeysay Nin Masuul ah oo Xukun layaab leh lagu riday

Laba nin oo ka mid ah dadka isticmaala barta TikTok ee dalka Nigeria ayaa lagu xukumay karbaash waxaana ay maxakamddu ku qasabtay in ay nadiifiyaan guriga maxkamadda kadib markii si jees-jees ah ay wax uga sheegeen mas’uul ka tirsan dowladda.

Mubarak Cise Maxamed iyo Maxamed Bula ayaa lagu helay dambi ah inay aflagaadeeyeen Cabdullahi Ganduje, gudoomiyaha gobolka waqooyi ee Kano.

Qareenka labadan qof ayaa sheegay in aysan ka hadli doonin xukunka ku dhacay raggan.

Dalka Nigeria waxaa ku soo badanaya dadka isticmaala baraha bulshada kuwaas oo waxyaabaha ay soo dhigaan uga faallooda arrimaha bulshada iyo siyaasadda.

Mubarak Ciise Maxamed iyo Maxamed Bula ayaa la xiray todobaadkii hore ka dib markii ay soo bandhigeen muuqaalkooda – oo ay ku jeesjeesayaan guddoomiyaha gobolka oo ay ku eedeeyeen musuqmaasuq dhuleed iyo inuu ka seexday shaqadiisa, muuqaalladaas waxaa lagu baahiyay TikTok iyo Facebook.

 

 

About Webmaster

View all posts by Webmaster