Madaxda Xisbiga Mucaaradka ee WADANI Soomaliland ayaa Maanta oo Khamiis ah waxa ay ku dhawaaqeen in ay kasloonidii kala laabteyn gudiga doorashooyinka soomaaliland kadib dhaliilo ay weli ka qabaan doorashadii ka dhacday Soomaalialnd ee uu ku soo baxay Muuse Biixi Cabdi.
Gudoomiyaha Xisbiga WADANI C/raxmaan Maxamed Cabdullaahi Ciro oo Maanta Warbaahinta kula hadlay Magaalada Hargeysa ayaa sheegay in warqada ay kalsoonida kala laabteyn Gudiga ay u gudbiyeen Madaxweynaha Soomaaliland Muuse Biixi Cabdi.
Waxa uu sheegay in gudiga doorashooyinka ay gefaf ka galeyn Xisbiga WADANI doorashadii ka dhacday Soomaaliland 13 bishii December Sanadkii tegay ee 2017,iyaga oo aan hab wanaagsan u diiwangelin dadka codeynayay.
Waxa uu ugu dambeyn ugu baaqay Madaxweynaha Maamulka Soomaalialnd in Gudiga doorashooyinka laka diro,isla markaana lasoo dhiso gudi kale si ay uga qeyb galaan doorashooyinka soo socda ee la filayo in ay ka dhacaan Soomaaliland.
Madaxda Xisbiga WADANI ayaa xiligii ay socotay doorashii uu ugu soo baxay Muuse Biixi waxa ay sheegeen in ay xiriirkii wadashqeyn u jareyn gudiga doorashada,iyaga oo sheegay in dadkii codeeyay ay ka mid ahaayeen dad dhintay iyo kuwo aan qaan gaarin.
Hoos Ka Dhageyso Codka Gudoomiyaha Xisbiga WADANI C/raxmaan Maxamed Cabdullaahi Ciro.
