Tahliil Xaaji Axmed  ah Qareenka u doodaya Siyaasiga Cabdi Shakuur Warsame oo u xiran Dowladda Soomaaliya ayaa sheegay in ilaa iyo hadda dowladda Soomaliya aysan soo bandhigin wax cadeymo ah oo ay ku heyso siyaasiga.
Waxa uu sheegay in waxyaabaha ay dowladdu wado ay yihiin wax fowdo ah isla markaana xariga Siyaasiga aan loo marin sifo sharci ah dowladdana looga baahan yahay in ay jawaab cad ka bixiso.
Wareysiga uu siiyay Radio Dalsan ayaa sidoo kale waxa uu sheegay in  Galabta Siyaasiga maxkamad la horkeenay isla markaana xeer ilaalinta aysan weli cadeyn u keenin kiiskiisa marka laga reebo in lagu eedeynayo qaran dumis.
Waxa uu been abuur ku tilmaamay in Siyaasiga Warqad loo keenay dowladda ka socota waxa uuna sheegay in hadii ay warqad soo gaarto uu isagu tegi lahaa.
Ugu dambeyn waxa uu sheegay in Maalinta Berito ah Xeer ilaalinta laga sugayo in cadeyn ay u keento dembiga ay dowladdu ku heysato Siyaasi Cabdiraxman Cabdi Shakuur.
Hoos Ka Dhageyso Wareysiga Qareen Tahliil Xaaji Axmed.
