DEGDEG: Ku-dhawaad 20 qof oo ku geeriyootay qarax ka dhacay Qaahira

Ugu yaraan 19 qof ayaa geeriyootay, 30-kalena wey ku dhaawacmeen qarax ka dhacay duleedka Machadka Kansarka oo ku yaalla Bartamaha Qaahira.

Hadal-qoraal oo ay Wasaaradda Caafimaadka soo saartay Waaberigii hore ee saakayto oo Isniin ah ayaa lagu xaqiijiyey inuu qaraxaasi ka dhashay, kadib, markii uu gaari ku socday seed kale uusan lahayn uu si xawli ah ugu dhacay 3 gaari, taasi oo sababtay inuu ka dhaco qarax xooggan oo olol watay

Muuqaal baraha Bulshadda si toos ah loo soo dhigay ayaa laga dheehan kara GaadiidkaDab-damiska oo ku hawlan inay xakameeyaan dabka oo khasaaro u geystay dhowr gaari.

Dacwad-oogaha Guud ee dalkaasi ayaa sheegay in la baarayo waxa sababay shilkaasi, balse ma jiro hadal rasmi ah oo muujinaya inuu Qaraxu ahaa Weerar.

Ilo-wareedyo la hadlay Tleefishinka Al-jazeera ayaa sheegay in ka socota Dacwad-oogista, Shaybaarka Dembiyadda iyo Khubarada Miinooyinka gaareen goobta uu ka dhacay Qaraxa ee Koonfurta Qaahira.

Radio Dalsan

Radio Station

Radio Dalsan was established in April 2012 in Mogadishu, Somalia with FM frequency 91.5MHz . The radio is registered with the federal ministry of information in Somalia. Dalsan is an independent and autonomous FM Radio station. The radio broadcasts for 18 hours in Somalia and also the Radio is on satellite broadcasting to Africa and Asia.