Gaari nooca dusha furan ee Pick Up ayaa la sheegay inay Dagaalyahanno ka tirsan Alshabaab saakayto ka qafaasheen Deegaanka Mandheera Lafey.
Gaarigaas oo ka yimid Deegaanka Meru kuna sii jeeday Degmadda Mandera ayey Alshabaab soo qafasheen, waxayna kala soo gudbeen xuduudka Kenya la wadaagto Somalia.
Madaxa Ammaanka ee Degmadda Mandera, Alex Ole Nkoya ayaa xaqiijiyey in gaarigaasi la afduubtay abaarihii 7-dii aroornimo ee saakayto.
Mas’uulkaasi ayaa sheegay in gaarigaasi uu dhiiqo ku galay Deegaanka Fino, balse ay Dagaalyahannadda Alshabaab joojiyeen gaari bas, iyagoo rakaabkii ku khasbay inay gaariga ka saaraan dhiiqada., kadibna ay dagaalyahannadda gaariga ula soo baxsadeen dhinaca xuduudka Somalia.
Dhinaca kale, Guddoomiyaha Ganacsatadda Qaadka ee Degmmadda Mandera, Mohamed Abdi ayaa Boliska ku wargeliyey in gaarigaasi laga qafaashay Xarunta Ganacsiga ee Deegaanka Fino.
Waxa uu intaasi ku daray inay Dagaalyahannadda Alshabaab la baxsadeen gaariga iyo qaad culayskiisu dhamaa 2,000 oo Kiilo iyo lacag caddaan ah oo dhamayd 400,000 oo Kenya Shillings.
Halkii Kiilo oo qaadka waxaa Degmadda Mdnera jumlo ahaan lagu iibiyaa 200 Kenya Shillings, iyadoo Tafaariiq ahaan halkii kilo loo iibiyo 300 Kenya Shillings.
Xigasho:- Daily Nation
