Dagaalamayaasha Al-Shabaab ayaa weerar ku qaaday qaybo ka mid ah Garoonka diyaaradaha ee Muqdisho, Xili uu socdo dagaal toos ah oo u dhexeeya Kooxdii weerarka soo qaadday iyo Ciidabka AMISOM.
Taliska Ciidanka Booliska Soomaaliyeed ayaa sheegay in laba ruux oo hubeysan ay isku dayeen in ay gudaha u galaan xero ku dhow gudaha garoonka diyaaradaha Aadan Cadde ee magaalada Muqdisho.
Afhayeenka Ciidanka Booliska ayaa sheegay in ciidanka Booliska ay kaga hor tageen albaabka Marina Gate waxaana uu sheegay in ay socdaan baaritaano goor dhowna ay la hadli doonaan warbaahinta.
Saraakiishu ma sheegin wax khasaaaro ah, sidoo kale wali waxaa la maqlayaa Rasaas culus, iyadoo Khasaare kala duwan la soo sheegayo inuu ka dhashay Haan shidaal, taasi oo dab uu ka kacay, kadib markii Rasaastu gaartay, sida ay inoo sheegen dad gooh joogayaal.
Dhanka kale Dhammaan duulimaadyada gudaha iyo dibadda ee garoonka diyaaradaha Aadan Cadde ayaa la hakiyay.
Halkaan kala soco wixii kusoo kordha
