Booliska Soomaaliya oo qaadanaya Jiil ku hubaysan aqoonta iyo shuruuda looga bahan yahay qofka?

Taliska Ciidanka Booliska Soomaaliyeed ayaa shaaciyey in ay qaadanayaan shaqaale cusub oo aqoon yahano ah,waxa ay kui xidheen shuruudo gaaraya 12 shuroodood,cid kasta oo ka gudubtana waxa ay la shaqeyn donta Booliska.Waxaa xusid mudan in ay isugu jiraan dadka la qaadanaayo,heerarka kala duwan ee aqoonta.

Qoraalka ay soo saareen Booliska ayaa sidan u dhignaa”Taliska Ciidanka Boliiska Soomaaliyeed wuxuu ku wargelinayaa dhamaan mawaadiniinta soomaaliyeed meelkasta oo ay joogan in Ciidanka Boliisku qaadan doono aqoonyano haysta Heerarka Kala duwan ee waxbarashada, kuwaasoo leh takhasusyadda hoos ku xusan:-

Heerka 1.aad ee Jaamacadda (Bachelor degree.)

1. Sharciyada
2. Cilmiga Computerka (IT)
3. Culuumta Dhaqaalaha iyo Xisaabaadka
4. Maamulka iyo Hoggaaminta

Heerka 2.aad ee Jaamacadda(Master degree.)

1. Culuumta Seyniska (Master of science)
2. Cilmiga Computerka (IT)

Shuruudaha lagu xulan doono heerka 1aad (Bachelor Degree)

1. Inuu yahay muwaadin soomaaliyeed
2. Waa inuu heysto Shahaadada heerka 1aad ee la xariirta takhasusaadka kor ku xusan oo tasdiiqsan iyo shahaadada dugsiga sare ee dowladda.
3. Waa in shahaadooyinka kor ku xusan aanay buundadooda celcelis ahaan ka yareyn heerka ( B).
4. Waa in da’da aysan ka weyneyn 26 jir
5. Waa inuu caafimaad qabaa Maskax ahaan iyo Jir ahaanba
6. Waa in cabirka dhererkiisu ka yareyn 1.65
7. Waa in Culeyska miisaankiisu u dhaxeeyaa 55- 70 KG
8. Waa in uusan laheyn wax balwad ah.
9. Waa in uusan horay uga soo mid noqon ururada Hubeysan.
10. Waa in aanay maxkamadi horey ugu xukumin fal dambiyadeed.

Shuruudaha lagu xulan doono heerka 2aad (master degree )

1. Inuu yahay muwaadin soomaaliyeed
2. Waa in uu heysto Shahaadada heerka 2aad ee la xariirta takhasusyada kor ku xusan, shahaadada heerka 1aad iyo dugsiga sare oo dowlada ah.
3. Waa in dhamaan shahaadooyinku tasdiiqsan yihiin.
4. Waa in shahaadooyinka kor ku xusan aanay buundadooda celcelis ahaan ka yareyn heerka (B).
5. Waa in da’diisa aysan ka weyneyn 32 jir ugu badnaan.
6. Waa inuu caafimaad qabaa jir ahaan iyo maskax ahaan.
7. In dhererkiisu ka hooseyn 1.65
8. Waa in Culeyska miisaankiisu u dhaxeeyaa 55- 70 KG
9. Waa in uu wax wax balwad ah laheyn .
10. Waa in uusan horay uga soo mid noqon ururada Hubeysan.
11. Waa in aanay maxkamadi horey ugu xukumin fal dambiyadeed.

Booliska Soomaaliyeed ayaa  sannooyinkii u danbeeyey lagu sameeyey,isbedel laxaadle,si loo helo Jiil ku hubaysan aqoon oo u adeega Shacabka Soomaaliyeed.