Qeybtii u dambeysay ee Ciidamada Midowga Afrika ee AMISOM ayaa saakay waxa ay ka guureen Garoonka Kubada Cagta ee Stadiom Muqdisho ee degmada Wartanabada,halkaas oo mudo 9 Sano ah Xero Ciidan u aheyd.
Dowladda Soomaaliya ayaa shalay lagu wareejiyey,waxana booqday Madaxweyne Maxamed Cabdullaahi Farmaajo,iyada oo sidoo kale Garoonka lagu wareejiyey Ciidamo ka tirsan kuwa Booliska Soomaaliya.
Dhinaca kale Maanta waxaa gaaronka ka socda banaanbax lagu taageerayo ka bixitaanka Ciidamada AMISOM ee Garoonka Stadiom Muqdisho
Dadweyne kala duwan ayaa isugu tagay Garoonka Kubbada Cagta ee Muqdisho, halkaasi oo ay ku soo dhaweynayaan tallaabada Ciidamada Amisom ay kaga guureen.
Si kastaba 9-sano kadib in Ciidamada AMISOM ay ka baxaan Garoonka Stadiom Muqdisho, ayaa waxa ay ka dhigan tahay tallaabo wanaagsan oo ay qaaday dowladda Federaalka ah ee Soomaaliya.
