Magaalada Cadaado ee xarunta KMG ee maamulka Gal-mudug ayaa lagu doortay Abwaan Cabdi Shire Jaamac (Ciyaar Jecel) oo ahaa aas aasihii iyo Gudoomiyihi Kooxda Fanaaniinta ee Qeylo Dhaan inkastoo doorashadu badi ay maanta baaqatay.
Sida ay Shaaciyeen Guddiga Doorashooyinka Dadban Abwaan Cadi Shire Jaamac ayaa ku guuleestay Wareega koowaad ee doorashada waxa uu helay Codad gaaraya 29- cod halka Musharixiinta kalana ay heleen codad intasa ka yar.
Codadka ayaa loo kala helay sida tan.
1–Abdi Shire Jaamac oo helay 29 cod
2-Deeq Xuseen Mirre oo heshay 10-cod
3-Suldan Xaaji Aadan oo isna helay 7-cod
4-Qaasim Maxed Abdi oo helay 5 cod
Doorashadan ayaa aheyd mid aad u xiiso badan waxaana goobta doorashada ka socotay ka dhacay dabaal degyo iyo mashxarad lagu soo dhaweenayay Guusha Xildhibaan Cabdi Shire Ciyaar Jecel oo horey uga mid ahaa Xildhibaanka Waqtigiisa uu dhamaaday.
