Wararka aan ka heleyno Gobolka Shabeellaha Dhexe ayaa waxa ay sheegayaan in Ciidamo ka tirsan kuwa Militeriga Soomaaliya saakay ay isaga baxeen deegaano ka tirsan Gobolkaaas.
Ciidamada ayaa waxaa la sheegay in ay isaga baxeen deegaano dhowr oo ay kaga sugnaayeen Gobolka Shabeellaha Dhexe ,iyagoona kusoo wajahan Magaalada Muqdisho.
Ciidamada ayaa saakay isaga soo baxay Degmooyinka Mahaady, Jowhar,tuulooyin hoostaga Degmada Balcad sida Qalimow, Garsaale, Haansheekh,iyo goobo kale oo ay ku lahaayeen Saldhigyo waaweyn.
Warar hoose oo ay heleyso ee Idaacada Dalsan ee Magaalada Muqdisho ayaa waxa ay sheegayan in Ciidamada ay ka Cabanayaan Mushaar la’aan heystay Muddooyinkii dambe,taasina ay keentay in ay isaga soo baxaan halkaasi.
Dhawaan ayay markii Ciidamo ka tirsan kuwa Xooga dalka Soomaaliya qeybta 12-ka April eek u sugnaa deegaanka Dhanaane ee Gobolka Shabeellaha Hoose ay isaga baxeen Difaacyadii halkaas ay ku lahaayeen, sababo la xiriira Mushaar la’aan soo wajahday Muddo ku dhow 4 bilood,waxaana deegaanka la wareegay dagaalyahano ka tirsan Al-shabaab.
