Kulan gelinkii dambe ee maanta ay Magalada Jigjiga ku yeesheen Baarlamaanka Maamulka Dowlad Deegaanka Soomaalida Itoobiya ayaa waxa ay xubinimadii kala laabteen 7 xubnood oo ka tirsanaa Baarlamaanka.
Sidoo kale Xildhibaanada oo markii ugu horeysay kulan yeeshay wixii ka dambeeyey Rabshadihii dhacay ayaa waxa ay  kala laabteen xasaanada Madaxweynihii hore ee dowlad deegaanka Soomaalida Itoobiya Cabi Maxamuud Cumar.
Baarlamaanka ayaa sidoo kale waxa ay sheegeen degmooyinkii iyo goboladii la magacaabay ilaa 1-dii August ay yihiin kuwa sharci daro ah, islamarkaana la doonayay in lagu burburiyo nidaamka dowliga ah, loogana soo horjeeday ammaanka.
Madaxweynaha Cusub ee dowlad deegaanka Soomaalida Itoobiya oo Caawa ku sugan Magalada Jigjiga ayaa waxaa uu kulamo ka leeyahay Siyaasiyiinta iyo waxgaradka Magaaladaas.
