Muqdishu, Somalia: 26 March 2016. Bankiga Premier Somalia ayaa markii ugu horreysay taariikhda keenay dalka Soomaaliya adeeegga kaararka ee VISA, taas oo la jaan-qaadaysa siyaasadda bankiga ee ku salaysan in la xoojiyo isticmaalka hababka lacag-bixinta ee casriga ah ee ay kaararku ka midka yihiin. Qeybta hore ee heshiskan dhex maray VISA iyo Premier Bank ayaa u suurta gelineysa macaamiisha wadata Card-ka Visa in ay ku isticmaali karaan ATM-yada Bankiga Premier ee yaalla guud ahaan dalka.
“Waxaan aad ugu faraxsannahay in Premier Bank uu noqdo macmiilkii ugu horreeyay ee adeeggeenna ka hirgeliya Soomaaliya. Waxaana sii wadi doonnaa in aan hormuud u ahaanno gacan-ka-geysashada dhisidda hay’ado maaliyadeed oo la isku halleyn karo isla markaana fursad siinaya qof kasta oo Soomaali ah. Waxaan rajeynayaa in wadashaqaayntan Premier ay dardar-geliso hababka Electroniga ah ee lacag is weydaarsiga Soomaaliya.†Sidaas waxaa yiri Maamulaha Guud ee Visa ee Koofurta iyo Bariga Afrika,Jabu Basopo.
Wixii ka danbeeya heshiiskan, ATM-yada Premier bank ayaa siinaya macaamiisha wadata kaararka VISA adeegyada ay ka midka yihiin: lacag la bixidda iyo ogaanshaha haraaga xisaabaadkooda guud ahaan dalka Soomaaliya.
Mahat Maxamed Axmed, maamulaha Bankiga Premier ayaa isaguna yiri: “  Heshiiskan aynu la galnay VISA waxa uu sii dardar gelinayaa badashada isticmaalka hababka lacag-bixinta elecetroniga ah ee Soomaaliya iyo in Soomaali badani ay ku soo biiraan isticmaalka hababka banki ee caalamka laga adegsadoâ€.
Bankiga Premier waxa uu sii wadi doonaa dadaalkiisa uu dadka Soomaaliyeed ugu keenayo hannaan maaliyadeed oo casri ah iyada oo bankigu horay u ahaa bankigii ugu horeeyay ee abid ka hirgeliya Soomaaliya adeegga kaararka ee MasterCard.
Premier Bank Limited waa banki Islaami ah oo warqadda ruqsadda shaqao ka heysta Bankig Dhexe ee Soomaaliya. ((License No. CBL2016-006) si uu u bixiyo adeegyo bangi iyo kuwo maaliyadeed.
Bankigu wuxuu hadda bixiyaa adeeg maaliyeed oo ay ka faa’iideystaan dadweynaha, ganacsiyada –yaryar iyo waaweyn- ee gaarka loo leeyahay iyo hay’adaha kala duwan.
Bankigu waxaa uu hadda ku howl-galaa 4 laamood oo ku yaala magaalada Muqdishu,taana waxaa barbar socda qorshaha uu bankigu laamo cusub uga furayo magaaladda Muqdishu iyo magaalooyin kale ee dalka.
Adeegga Kaararka ayaa u sahlaya macaamiisha in ay lacagta ku jirta xisaabtooda isticmaalaan meel kasta oo ay adduunka ka joogaan.
Maamulka Premier Bank sida uu horayba u ballan qaaaday, waxa uu dhawaan soo kordhin doonaa adeegyo kale oo dadka Soomaaliyeed ku diirsan doonaan.
Wixii faahfaahin intaa dheer, fadlan booqo oo  ka aqriso:  www.premierbank.so
