Xuutiyiinta oo Duqeeyay Markab, Garoon iyo Warshad Koronto

Afhayeenka Isbahaysiga Milliteri ee Sacuudiga, Kolonel Turki Almaaliki ayaa sheegay inay Maleeshiyadda Xuutiyiinta weerareen Markab Ganacsi oo marayey Badda Cas.

Waxa uu tilmaamay inay Xuutiyiinta u adeegsadeen Dooni nooca aan la wadin inay ku weeraraan Markabkaasi oo marayey Biyaha Koonfureed ee Badda Cas, wuxuuna xusay inay burburiyeen Doonidii fulisay weerarkaasi.

Ma uusan sheegin dalka laga lahaa Markabka la weeraray iyo haddii ay jiraan khasaaro soo gaaray Badmaaxiinta iyo shidaalkii uu waday.

Dhinaca kale, Maleeshiyadda Xuutiyiinta waxay sheegeen inay xalay Daroonis ku weerareen Garoon ku yaalla magaalladda Abha iyo Wershad Koronto oo ku wada yaalla magaalladda Abha ee Koonfurta Sacuudiga.

Isbahaysiga Sacuudiga waxay sheegeen inay hawada ku burburiyeen wax u muuqday Diyaarad Daroon oo dul-maraysay Graoonka Diyaraadaha ee Abha.

Telefishinka Alarabiya oo ay Dowladda Sacuudiga leedahay ayaa sheegay in xaalladda Garoonka caadi tahay, kadib, markii la burburiyey Daroonkii lagu soo weeraray.

 

Comments
Loading...