Maxkamadda ciidamada qalabka sida ee Soomaaliya ayaa soo gaba-gebeysay eedaha loo heystay rag lagu eedeynayay in ay dilal ka geysteen Magaalooyinka Muqdisho iyo Boosaaso kuwaas oo qaarkood la sheegay in ay ka tirsanaayeen Kooxaha Daacish iyo Alshabaab.
Maxamadda Ciidanka qalabka sida ayaa Aadan Maxamed Cali waxa ay ku xukuntay dil toogasho ah iyada oo ku eedeysay ka mid ahaanshaha kooxda Daacish ee ka dagaalanta qeybo ka mid ah Somaliya weeraro dad lagu dilayna ka fuliyay Muqdisho iyo Boosaaso.
Dhinaca kalana Maxkamadda Ciidamada qalabka sida ayaa sii deysay Cabdi Shakuur Xaaji Barsanji oolagu waayay eedeymihii loo heystay,lana amray in sida ugu dhaqsiyaha badanXabsiga looga sii daayo.
