Xubno ka tirsan Al-Shabaab oo mar kale gudaha u galay Dowlad degaanka Soomaalida

Xubno ka tirsan Al-Shabaab ayaa abaabullo ka wada xadka ay wadaagaan Soomaliya iyo Itoobiya, saacado yar un kaddib markii ciidanka gaarka ah ee Dowlad-deegaanka Soomaalida ay ku dhawaaqeen inay guul ka gaareen dagaalkii socday maalmihii la soo dhaafay.

Dowlad-deegaanka Soomaalida ayaa sheegtay in la soo afmeeray wejigii koowaad ee howlgalkii ka dhanka ahaa Al-Shabaab. Gobolka Afdheer oo xad la wadaaga gobolka Bakool ee Soomaaliya waxaa maalmihii la soo dhaafay uu dagaal ku dhex maray ciidanka Liyuu Boolis iyo Al-Shabaab.

Waxaa soo baxaya warar sheegaya in wali lagu raad-joogo qaar ka tirsan Al-Shabaab ee galay gudaha deegaanka Soomaalida.

Ma jiraan ilaa hadda faah-faahinno ka soo baxaya maamulka Dowlad-deegaanka Soomaalida oo sharraxaad ka bixinaysa khasaaraha labada dhinac soo kala gaaray iyo haddii ay jiraan maxaabiis dagaal.

Masโ€™uuliyiinta Dowlad-deegaanka Soomaalida ayaa horay u sheegay in ciidamada dowladda ay dileen in ka badan 100 xubnood oo ka tirsanaa Al-Shabaab, kaddib howlgallo saddex maalmood ka socday gudaha gobolka Afdheer.

Al-Shabaab dhankooda waxay sheegeen Arbacadii in ay dileen ugu yaraan 87 ka tirsan ciidamada gaarka ah ee gobolka ee loo yaqaan Liyu Boolis kaddib weerar โ€œdhifโ€ ah oo ka dhacay xadka dheer ee Itoobiya iyo Soomaaliya ay wadaagaan.

About Webmaster

View all posts by Webmaster