Sida lagu madalsanaa maanta ayaa la filayey inay Maamul-gobaleedyadda soo gudbiyaan Liiska xubnaha ka mid noqanayo Aqalka Sare ee Barlamaanka Federalka ee soo socda.
Guddiga Doorashadda Dadban ee Heer Federal ayaa horey u shaaciyey inay Maamul-gobaleedyadda bishan September 25-da soo gudbiyaan Xubnaha Xildhibaandd ee uga mid noqonayo Aqalka Sare ee Barlamaanka Federalka.
Sababha dhaliyey Dib-u-dhca ayaa la filayaa inay Guddiga Doorashadda Dadban ka hadlaan, si loo ogado waxa dib u dhigay magacaabista 54-ka xubnood ee Xildhibaanadda Aqalka Sare ee Barlamanka.
Dib-u-dhacaasi ayaa la rumeysan inay u sabab yihiin:-
Maamul-gobaleedka Hiiraan iyo SH/dhexe oo aan weli la dhisin, lana soo xuli Karin Xubnihii u matali lahaa Aqalka Sare ee Barlamaanka.
Cuqaasha iyo Siyaasiyiinta Somaliland oo weli qaadacsan Saami-qeybsiga Labada Aqal ee Barlamaanka.
Maamulladda Puntland, Galmudug, Jubbaland iyo K/Galbeed oo aan weli si rasmi ah u soo gudbinin Liiska Xildhibaanadda u matalayo Aqalka Sare.
Guddiga Doorashadda Dadban ee Heerka Federl waxay bishii hore soo bandhigeen Jadwalka Doorashadda, kaasi oo lagu qeexay:-
- In Xildhibaanadda Aqalka Sare ee Barlamaanka la doorto bishan September 25-da.
- In Dhaarinta Xildhibaannada dhacdo bisha October 25-da.
- In Guddoonka Baarlamaanka la doorto bisha October 25-da.
- In Madaxweynaha la doorto bisha October 30-da.
Si kastba ha ahaatee, Dib-u-dhaca xubnaha Aqalka Sare ayaa laga yaabaa inay sababi karto Dib-u-dhac Baahsan oo ku yimaada Xilligii loo qoondeeyey Doorashadda Guddoomiyaha Barlamaanka iyo tan Madaxweynaha.
©Radio Dalsan
