Madaxweynaha DFS, Maxamed C/llaahi Farmaajo waxa uu Xafiiska Villa Somalia ku qaabilay Xildhibaano, Siyaasiyiin, Iimaamka, Ugaaska iyo Suldaanka Beesha Mundulood, waxayna ka wada hadleen Xaalladda dalka, Taageeradda Beesha la garab tagaan tahay Madaxweyne Farmaajo iyo magacaabista Xilka Ra’isul-wasaaraha Xukuumadda Federalka.
Kulankaasi oo socday muddo 2 saacadood waxa uu Madaxweynuhu muujiyey inuu ku faraxsan yahay La-kulankooda, wuxuuna xusay inuu u baahan yahay Taageeradda Siyaasiyiinta, Dhaqanka iyo Ururradda Bulshadda ee Beelaha Soomaaliyeed.
Xubnihii Beesha Mundulood ee Kulankaasi ka hadlay waxay muujiyeen Hamiga ay Beesha ka leedahay ilka Ra’isul-wasaaraha, waxayna hoosta ka xariiqeen inay Madaxweyne Farmnaajo ka rajeynayaan inuu mudnaan siiyo Qoddobaddii ay ka wada hadleen.
Dhinaca kale, 15-ka xubnood ee Beesha Mundulooe ee la kulantay Madaxweynaha waxaa ka mid ah Xildhibaan C/qaadir Cosoble Cali iyo Caddow Cali Gees oo ka mid ahaa Murashixiintii ugu cadcadaa ee Tartanka Doorashadda Madaxweynaha, kuwaasi oo Codadkooda Wareeggii 2-aad ku taageeray Madaxweyne Farmaajo oo ka mid ahaa Murashxiintii u soo gudbay Wareegga 2-aad ee Doorashadda, oo ugu dambeyntii Mdaaxweyne Farmaajo ku guuleystay.
©Radio Dalsan
