Iyadoo maalmihii la soo dhaafay dowladda Soomaaliya ay Ciidamo Booliska geyneysay Magaalada Dhuusamareeb ee Caasimadda dowlad Goboleedka Galmudug ayaa waxaa arrintaas la hadlay Xildhibaan ka tirsan Golaha Shacabka Baarlamaanka Soomaaliya.
Xildhibaan Maxamed Xasan Idiris (Ganey) oo kamid ah Xildhibaanada Baarlamaanka ayaa waxaa uu dowladda ku eedeeyay in qalqal siyaasadeed ay ka wado Dhuusamareeb,isagoo sheegay in arrimaha ka socda halkaas ay yihiin kuwa afduub siyaasadeed ah.
Isaga oo sii hadlaayay Xildhibaan Idiris ayaa waxaa uu sheegay in Ciidamo Boolis ah oo sugi waaye amniga Caasimadda,isla markaana aan tigi kari Suuqa Xoolaha iyo meelo oo muhiim ah la geeyay Magaalada Dhuusamareeb oo ah meel nabad ah.
“Waxa ka socda Dhuusamareeb waa afduub, Wasaaradda Arrimaha Gudaha wax dib u heshiisiin ah kama wado deegaanka, taas bedelkeed isku dir ayay ka wadaa, maalin hore magaalada waxaa halis u gasho in la isku fara saaro”ayuu yiri Xildhibaan Xidiris Ganey.
Hadalka Xildhibaan Maxamed Xasan Idiris (Ganey) oo kamid ah Xildhibaanada Baarlamaanka Soomaaliya ayaa waxaa uu kusoo aadaya,iyadoo dowladda Soomaaliya todobaadkii la soo dhaafa Ciidamo Boolis ah ku daabushay Dhuusamareeb,kuwaasi oo la wareegay Xarumo muhiim ah oo ku yaalla halkaas,isla markaana ay ka qeyb tahay Xarunta Madaxtooyadda Galmudug ee Dhuusamareeb.
