Xildhibaan ka tirsan Galmudug oo ku dhaawacmay Qaraxii Dhuusamareeb

Faah faahino dheeraad ah ayaa laga helayaa qarax Ismiidaamin ahaa oo daqiiqado kahor ka dhacay Magaalada Dhuusamareeb,kaasi Jugtiisa siweyn looga maqlay Magaalada.

Qaraxaas ayaa waxaa uu ka dhacay  Maqaayad ku taalla Albaabka hore ee Xarunta Madaxtooyadda Dhuusamareeb,halkaasi oo inta badan ay fariisan jireen Mas’uuliyiinta ka tirsan Galmudug iyo Siyaasiyiinta ku dhaqan Magaalada.

Khasaaro dhaawacyo ah ayaa lagu soo waramayaa in qaraxaas uu ka dhashay,isla markaana soo gaaray dad shacab ah iyo xubno kale.

Xildhibaaan ka tirsan Baarlamaanka dowlad Goboleedka Galmudug ayaa waxaa la sheegay inuu mid ahaa dadkii ku dhaawacay qaraxa,kaasi oo lagu magacaabo Sheekh Cabdiraxmaan Baraka-Qabe.

Sidoo kale qaraxa ayaa waxaa dhaawac uu ka soo gaaray 3 ruux oo ay ku jirto gabar yar oo shan jir aheyd,kuwaasi oo loola cararay mid kamid ah Xarumaha Caafimaad eek u yaalla Magaalada Dhuusamaareb.

Ciidamo ka tirsan maamulka Galmudug ayaa isku gadaamay uu qaraxu ka dhacay,isla markaana ay ka wadaan baaritaano kala duwan oo la xiriira  qaraxaas ka dhacay Magaalada Dhuusamareeb.

Ilo lagu kalsoonaan karo oo la hadlay Radio Dalsan ayaa u sheegay in shalay gudaha Dhuusamareeb la isla dhex marayay  warar sheegaya in gudaha Magaalada uu jiro qarax,isla markaana heegan buuxa la geliyay Ciidamada amniga.

About Bilan Media

Bilan is Somalia’s first ever all-women media team. Staffed and run entirely by women with full editorial independence, the unit covers hard news and in-depth features, holding leaders to account and making sure the media represents all citizens, men and women, weak and powerful, rich and poor.

View all posts by Bilan Media