Kooxo hubeysan ayaa la sheegay inay Barqanimadii maanta Bartamaha magaalladda Bosaaso ku dileen Xeer-ilaaliyihii Maxkamadda Ciiddamadda Puntland ee Bosaaso, Marxuum C/kariim Xsaan Firdhiye.
Goobjoogayaal la hadlay Radio Dalsan ayaa sheegay in Xeer-ilaaliyaha lagu toogtay meel ku dhow Bar Kontorool oo ku taalla Bosaaso.
Hadal ka soo baxay Ciiddanka Ammaanka ee Bosaaso ayaa lagu sheegay in la qabtay 2 qof oo lala xiriirinayo dilkaasi, kadib, markii ay dadkii ku sugnaa goobtaasi ku wargeliyeen Ciiddanka.
Waa Dilkii 3-aad ee Mas’uul ka tirsan Maamulka Puntland ee bishan gudaheeda lagu dilo magaalladda Bosaaso.
Kooxo hubeysan ayaa waxay bishan December 16-dii magaalladda Bosaaso ku dileen Taliye-xigeenkii 2-aad ee Ciiddanka Boliska Puntland, Kolonel Jaamac Saxardiid.
Sidoo kale, Agaasimihii Madaxtooyadda ee Bosaaso, Marxuum Aadan Gaas Haruuse ayaa isagana bishan December 20-dii lagu dilay ee magaalladda Bosaaso.
©Radio Dalsan
