Madaxweynihii hore ee Soomaaliya ahna Musaharax Madaxweyne Xasan Sheikh Maxamuud ayaa ka hadlay xaaladda siyaasadeed ee dalku haatan ku jiro,iyadoo ay tahay waqti doorasho.
Xasan Sheikh oo jeediyay Khudbad dhinacyo badan taabanaysay oo uu kaga hadlayay arrimaha hadda taagan ee dalku marayo, ayaa waxaa uu hadalkiisu inta badan ku dhaliilayay xukunka iyo maamulka hadda talada haya ee uu Madaxweynaha ka yahay Maxamed cabdullaahi farmaajo.
Waxaa uu sheegay in tan iyo xukunkiisii kadib aan dalka wax hormar weyn ah aan laga sameyn.
Xaaladda hadda dalku galay ayuu sheegey in waddada kaliya ee lagu badbaadin karo ay tahay doorasho daah furan, lagana gudbo is qab-qabsiga siyaasadeed ee inta badan soo laab laabtay.
Siyaaasiyiinta Soomaaliyeed ayuu haatan ugu baaqay in laga gudbo dhammaan khilaafaadka oo si niyad sami ah loo garab istaago mas’uuliyiinta ku howlan hirgelita doorashada, ee uu hoggaanka u yahay Ra’isul Wasaaraah Xukuumadda federaalka Soomaaliya maxamed Xuseen Rooble.
“Waddada kaliya ee maanta badbaadin karta dowladnimadeena waa doorasho daah furan. Waxaan ku baaqayaa in laga gudbo dhammaan khilaafaadka oo si niyad sami ah loo garab istaago mas’uuliyiinta ku howlan hirgelita doorashada†ayuu yiri Xasan Sheikh.
