Waxaa Goordhow soo gaba gaboobay tirinta codadka doorashada xilka guddoomiyaha Golaha Shacabka Soomaaliya xilkaas oo uu iska casilay Maxamed Sheekh Cusmaan Jawaari.
Doorashadaan ayaa waxaa ku tartamayay Maanta 10 musharax,waxana Wareegii 1aad ku haray 6 musharax,waxana soo haray 4 Musharax balse intii aan la guda gelin Wareegii labaad ayaa waxaa tanaasulay labada musharax ee Cabdi Casiis Xasan Maxamed Lafta Gareen iyo Shariif Maxamed Cabdalla.
Wareega labaad ayaa waxaa ku tartamay labada musharax ee kala ah Maxamed Mursal sheikh Cabdiraxmaan iyo Ibraahim Isaaq Yaroow,waxana labada musharax ay kala heleen Ibraahim Isaaq Yaroow 118 cod iyo Maxamed Mursal sheikh Cabdiraxmaan oo helay 147 Cod
Ku simaha Guddoomiyaha Guddoomiyaha Baarlamaanka Soomaaliya ahna guddoomiye ku xigeenka 1aad Cabduweli Ibraahim Muudeey ayaa ku dhawaaqay natiijada isaga oo sheegay in uu ku guuleystay xilka guddoomiyaha Golaha shacabka Xildhibaan Maxamed Mursal Sheekh Cabdiraxmaan oo horay isaga casilay xilka Wasiirka Gaashaandhigga Soomaaliya.
Maxamed Mursal ayaa beddelaya Maxamed Cismaan Jawaari oo xilka afhayeenka baarlamanka iska casilay 12-kii April
Goordhow la socda codadka doorashadii Maanta ka dhacday Xarunta Golaha Shacabka.
