Dagaal culus ayaa saakay mar kale ka qarxay deegaanka Tukaraq ee gobolka Sool, halkaasi oo ay ku dagaalameen ciidamada Maamulada Somaliland iyo kuwa Puntland.
Dagaalka oo saacado badan qaatay ayaa labada dhinacba ay xaqiijinayaan in khasaare uu dhaliyay inkastoo aysan tirada saxda ah faahfaahin karin.
Somaliland ayaa ku eedeysay Puntland inay dagaalkaasi soo qaaday, guulana ay ka gaartay.
Madaxweynaha Soomaaliland Muuse Biixi Cabdi ayaa sheegay in iyada oo ay ku jiraan u gurmashada dadkii uu saameeyey roobkii fatahaada watay ee ka da’ay bariga Soomaaliland lasoo weeraray balse ay is difaaceen.
Dhinaca kale, Puntland ayaa inayana dagaalka ku eedeeysay Somaliland, iyadoo sheegtay in ciidamadeedu ay guulo ka gaareen.
Afhayeenka Madaxtooyada Puntland Cabdullaahi Maxamed Jaamac Quraan-jecel ayaa isna sheegay in Soomaaliland dhankeeda uu weerar uga yimid balse dhankooda ay iska difaaceen,isla markaana ay khasaaro gaarsiiyeen.
