Wararkii ugu dambeeyay Qarax Miino oo Caawa ka dhacay Muqdisho

War Goordhow  naga soo gaaray Isgoyska Bakaaraha ee Magaalada Muqdisho ayaa waxa uu sheegayaa in halkaasi Caawa uu ka dhacay qarax.

Qaraxaas ayaa waxaa la sheegay in uu ahaa miino,isla markaana lagu dhex qariyay Qashin yaallay Nawaaxiga Isgoyska Bakaaraha, waxaana ka soo baxaya warar kala duwan.

Dad goobjoogayaal ah ayaa waxa ay sheegeen in jugata qaraxa si weyn looga maqlay qeybo kamid ah Gobolka Banaadir,waxaana intaas kadib rasaas furay Ciidamo ka tirsan kuwa Booliska Soomaaliya oo xiligaas goobta ka  agdhawaan kuna leh Fariisimo.

Sidoo kale waxaa lagu soo waramayaa in qaraxaasi Caawa dhacay uusan geysan wax khasaaro ah.

Magaalada Muqdisho ayaa waxaa mararka qaarkood ka dhaca qaraxyo kala duwan,iyadoo Maanta duhurnimadii qarax lagu soo xiray gaari uu ka dhacay Isgoyska Shaqaalaha ee Muqdisho.

 

 

 

 

Sponsered

Comments
Loading...