Warar Wararka Idaacadda XULKA WARARKA

Wasiirka Warfaafinta oo Maanta hortegaya Xildhibaanada Golaha Shacabka

December 15, 2019
By Bilan Media
  / Reading time: 1 minute

Xildhibaanada Golaha Shacabka Baarlamaanka Federaalka Soomaaliya ayaa waxaa lagu wadaa in Maanta oo Axad ah kulan ay ku yeeshaan Xarunta Villa Hargeysa ee Magaalada Muqdisho.

Wasiirka Wasaaradda Warfaafinta Xukuumadda Soomaaliya Maxamed Cabdi Xayir Maareeye ayaa la filayaa in uu hortago Xildhibaanada Golaha Shacabka, kadib markii dhawaan oo ay u yeereen Xildhibaanada.

11-Xildhibaan ayaa Mooshin ka gudbiyay Wasiir Maareeyee, waxaana laga dalbaday in Maanta oo Axad ah uu horyimaado Golaha Shacabka, iyagoona su’aallo weeydiin doona Wasiirka, kuwaasi oo la xiriira dhanka Shaqada Wasaaradda Warfaafinta.

Xildhibaanada Golaha shacabka qaarkood ayaa Warbaahinta dowlada ku eedeeyay in aysan dhax dhaxaad ka aheyn doodaha Xildhibaanada.

Kulankan Maanta ayaa la filayaa in saacadaha soo socda uu ka furmo Xarunta Villa Hargeysa ee Magaalada Muqdisho, waxaana halkaas kusii qul-qulaya Xildhibaanada Golaha Shacabka Baarlamaanka.

About Bilan Media

Bilan is Somalia’s first ever all-women media team. Staffed and run entirely by women with full editorial independence, the unit covers hard news and in-depth features, holding leaders to account and making sure the media represents all citizens, men and women, weak and powerful, rich and poor.

View all posts by Bilan Media