Wasiirka Wasaaradda Gaashaandhiga Xukuumadda Soomaaliya Xasan Xuseen Xaaji ayaa Maanta shaqo joojin ku sameeyay Agaasimihii guud ee Wasaaraddaas Axmed Cabdi Kooshin.
Wareegto kasoo baxday Xafiiska Wasiir Xasan Xuseen ayaa shaqada looga joojiyay Axmed Cabdi, waxaana isla wareegtda Agaasime KMG ah loogu magacaabay Wasaaradda Gaashaandhiga Xukuumadda.
Cabdiraxmaan Cunsheeye Axmed ayaa laga dhigay Agaasimaha KMG ah ee Wasaaradda, wuxuuna horey u ahaa Agaasimaha Waaxda Shaqada iyo Shaqaalaha ee Wasaaradda Gaashaandhiga.
Wareegtada ayaa waxaa lagu xusay in muhiimad ay leedahay kala dambeeynta gudashada waajibaadka Dastuuriga ee Shaqaalaha Wasaaradda iyo howlaha shaqo ee horyaalla Wasaaradda oo u baahan la jaanqaadida habraacyada Cusub ee Maamulka Wasaaradda Gaashaandhiga.
Hoos ka Akhriso Wareegtada Magacaabista ee Wasiir Xasan Xuseen.