Wareegto kasoo baxday Xafiiska Wasiirka Arrimaha Gudaha iyo dowladaha Hoose ee Maamulka Hirshabeelle Maxamed Cali Caadle ayaa xilkii looga qaaday Guddoomiye ku-xigeenka Amniga Gobolka Hiiraan.
Wasiir Caadle ayaa xilka Guddoomiye ku-xigeenka amniga Gobolka Hiiraan u magacaabay inuu noqdo Maxamed Meeris Isaaq, isagoo bedelaya Guddoomiye ku-xigeenkii hore ee Cali Diiriye Cismaan.
Dhammaan hay’addaha amniga iyo shacabka Hiiraan ayaa waxaa la faray inay la shaqeeyaan Mas’uulka Cusub si uu u guto waajibaadkiisa shaqo ee loo idmaday.
Wasiirka Arrimaha Gudaha Hirshabeelle Maxamed Cali Caadle ayaa xalay Guddoomiye Cusub u magacaabay Degmada Maxaas ee Gobolka Hiiraan, isagoo xilkii ka qaaday Guddoomiyihii hore ee degmadaas.
Si kastaba xilka qaadista iyo Magaacbsita uu sameeyay Wasiir Caadle ayaa waxaa ay kusoo aadeysaa, iyadoo shalay Qoraal kasoo baxday Xafiiska Guddoomiyaha Baarlamaanka Hirshabeelle lagu joojiyay dhamaan wareegtooyinka xilka qaadista, Magacaabista iyo shaqo joojinta ee ku aadan Mas’uuliyiinta ka tirsan Hirshabeelle.
Hoos ka Akhriso Wareegtada Mgacaabista ah ee kasoo baxday Wasiir Caadle.