Wafdi uu hoggaaminayo R/Wasaare Rooble uu safray Dhuusamareeb

Ra’iisul Wasaaraha XFS Maxamed Xuseen Rooble iyo Wafti uu hogaaminayo ayaa maanta safray Magaalada Dhuusamareeb ee xarunta Dowlad Goboleedka Galmudug.

Booqashada wafdiga uu hoggaaminaayo Ra’iisul Wasaaraha Xukuumadda Federaalka Soomaaliya ayaa la sheegay in ay la xiriirto dardargelinta iyo hubinta Doorashada Golaha Shacabka Baarlamaanka ee 11-aad.

Ra’iisul Wasaaraha ayaa Mudada uu joogo Galmudug waxa uu kulamo la qaadan doonaa madaxda maamulkaas, bulshada qaybaheeda kala duwan iyo xubnaha guddiyada doorashada heer federaal iyo heer maamul goboleed ee ku sugan Galmudug.

Ra’iisul Wasaaraha XFS Maxamed Xuseen Rooble ayaa horay u ballanqaaday in uu safar ku tagayo xarumaha Dowlad-Goboleedyada dalka, si uu u dardargeliyo qabsoomidda Doorashada Xildhibaannada Golaha Shacabka Baarlamaanka 11-aad ee Soomaaliya.